Shqiptarët e Luginës protestuan para ambasadës serbe në Bernë

Bernë – Sot para ambasadës serbe në Bernë ishin tubuar qindra mërgimtarë shqiptarë kryesisht nga Lugina e Preshevës në mbrojtje të përmendores së të UÇPMB-së në Preshevë dhe për të protestuar kundër kërcënimeve serbe në Luginë, njofton agjencia e lajmeve “Presheva jonë” nga Zvicra.

Të tubuarit shqiptarë përballë ambasadës serbe në Bernë mbanin në duar flamuj kombëtar, Zviceran dhe amerikan si dhe parulla e afishe kundër dhunës dhe politikës diskriminuese serbe në Luginën e Preshevës.

Në ketë demonstratë protestuesit brohoritën “Përmendoren e UÇPMB-së do ta mbrojmë “, “Serbi ndal kërcënimet!”, “Lugina territor i Kosovës” , “Duam Bashkim kombëtar”, “Stop dhunës dhe terrorit serbë në Luginën e Preshevës” etj…Protesta e cila ishte nën përcjelle të policisë zvicerane kaloi pa incidente.