Shqiptarët dhe martesat në Zvicër

A janë martesat me detyrim dukuri tipike për shqiptarët, apo paraqesin raste të izoluara. Flasin ekspertët në tryezën e organizuar nga UPSH dhe Albinfo.ch, të mërkuren prej 18:30.

Dukuria njihet si “martesa të dhunshme ose “martesa me detyrim”, ndërsa në një trajtë më të zbutur edhe si “martesa të aranzhuara”.

Cilido që të jetë emërtimi i tyre, a përbëjnë këto martesa një dukuri tipike për komunitetin shqiptar në Zvicër, apo janë vetëm paraqitje margjinale që nuk ka pse të merren seriozisht? Apo, e gjithë kjo varet nga perspektiva prej të cilës i shikojmë gjërat.

Në këto pyetje do të bëjnë përpjekje të japin përgjigje ekspertët në një tryezë të organizuar nga Universiteti Popullor Shqiptar në GJenevë (UPSH) në bashkëpunim me albinfo.ch.

Debati rreth temës Institucioni i martesës te shqiptarët në Zvicër fillon të mërkurën prej orës 18:30-20:00, në UPA, Chemin Surinam 7,1211 Genève.