Shqiptarët barazojnë mes vete në evropian
RajoniPress
10:10, 10 Maj, 2014
Katër futbollistë shqiptarë janë paraqitur në përbërjen bazë të përfaqësueses U-17 të Zvicrës që barazoi 1:1 me Gjermaninë, të premten në ditën e parë të kampionatit evropian për këtë grupmoshë që po mbahet në Maltë.
Për Zvicrën tërë ndeshjen luajtën kapiteni Mirlind Kryeziu (në foto) e Alban Selmanaj. Arxhend Cani u zëvendësua në minutën e 63-të, ndërsa Albian Ajeti fare në fund, në minutën e 78-të. Në stol te Zvicra qëndroi Samir Bajrami. Ndërkohë te Gjermania tërë ndeshjen luajti Arianit Ferati.
Ai humbi penallti në minutën e 77-të. Goditjen e Feratit e ndali portieri i Zvicrës. Zvicra e Gjermania bëjnë gara në Grupin B, pjesë e të cilit janë edhe Portugalia e Skocia./KOHA.net
