Poezi nga Atdhe Geci
S´ka Shqipëri pa mision kombëtar
as Kosovë pa Shqipëri dhe Çamëri
as Shqipëri të lashtë pa të sotmen
as bashkim shqiptar pa tëra pjesët!
Perëndi, kurrë mos u kthefshin më
në ideologji vrastare të së kaluarës,
as duar që e shkretuan Shqipërinë,
as qeveri që n´pranga e lidhën lirinë!…
Atdhe, je toka dhe qielli shqipeve
liria i takon të gjithë shqiptarëve.
Pyes, kur do ta pranojmë origjinën
pellazge, ilire , dardane e epirote!
I përjetshmi dhe i fuqiploti, Atdhe
kur do ta bëjmë ne betimin për ty,
pse kaq heshtje për Republikën e
Çamërisë! Shqipëri, ku të iku zëri!
Shqipëria pellazge shtatzanë është
me historinë, ajo shpejt do të lindë!
Shqiptarët jemi pellazgët e lashtë,
popull i Thotit, Zeusit dhe i Pirros!
Atdhe Geci – Dortortmund, 2023 / Poezi nga libri “Kanuni poetik” I dhe II
