Shqipëria lëshon fitoren nga duart, merr një pikë të rëndësishme ndaj Kroacisë

Kombëtarja e Shqipërisë e ka lëshuar përsëri fitoren nga duart.

Kuqezinjët barazuan me Kroacia me rezultat 2-2, në ndeshjen e dytë të Kampionatit Evropian, shkruan IndeksOnline.

Qazim Laçi i dha epërsinë Shqipërisë në minutën e 11-të, duke shkuar në pushim me rezultat 1-0.

Në pjesën e dytë Kroacia morri në kontroll ndeshjen dhe e përmbysi rezultatin.

Andrej Kramaric barazoi shifrat në minutën e 74-të, ndërsa dy minuta më vonë, Klaus Gjasula shënoi autogol për rezultatin 2-1.

Gjasula përmirësoi gabimin, duke barazuar rezultatin në 2-2, në minutën e 95-të.

Shqipëria njëjtë si Kroacia kanë nga një pikë në Grupin B, ndërsa Spanja dhe Italia kanë nga tre pikë./IndeksOnline/