Shqipe Lushta mëson gjermanët e rinj si ndërtohen robotët

Ekspertja Lushta u ka shpjeguar praktikisht nxënësve se si konstruktohet pajisja për dirigjim elektronik të një roboti që ecën.

Nxënësit e gjimnazit të Friedbergut kanë pasur rastin unik që në Shkollën e Lartë Teknike Mittelhessen (THM) të marrin njohuritë elementare për konstruktimin e robotëve. Ata kanë kryer një kurs disajavësh, ku në fshehtësitë e robotikës i ka udhëhequr inxhinierja dhe profesoresha e kësaj shkolle, Shqipe Lushta.

Ekspertja Lushta u ka ligjëruar dhe treguar nxënësve praktikisht hollësi nga fusha e makinerisë, mekatronikës, teknologjia e materialeve. Më tutje ajo u ka shpjeguar atyre se si konstruktohet pajisja për dirigjim elektronik të një roboti që ecën.

Programimi i një kompjuteri të quajtur mikrocontroller ka qenë hapi tjetër të cilin mësuesja Shqipe Lushta ua ka mësuar gjimnazistëve të klasës së 13.

“Këta nxënës, me aftësinë e tyre për të mësuar mund të krahasohen lirisht me studentët. Ka qenë kënaqësi e vërtetë të punosh me ta”, shprehet e kënaqur Lushta.

Në përmbyllje të kursit, Shqipe Lushta ua shpërndan nxënësve certifikatat e pjesëmarrjes, shkruan “Giesener Anzeiger”.

Kursi i ndjekur ka cytur te disa prej pjesëmarrësve interesimin për të filluar që vitin e ardhshëm. studimet për mekatronikë.(albinfo)