Shpëtim Bajrami doktoron në afat rekord në Gjermani

Mërgimtari nga Kosova që preku majat e shkencës

E enjte, 8 Dhjetor 2022 – 9:30albinfo.ch
Shpëtim Bajrami, i riu shqiptar tashmë është doktor shkence në Gjermani.

I lindur në Kosovë dhe i shkolluar në Gjermani, Dr. Shpëtim Bajrami i është shtuar drejtësisë gjermane si një kuadër i ri me rrënjë shqiptare, shkruan albinfo.ch.

Ai ka studiuar drejtësi në Universitetin Heinrich Heine në Düsseldorf.

Shpetimi përfundoi dy studime kërkimore si pjesë e projektit të doktoraturës, një në qendrën “Lauterpacht “për të Drejtën Ndërkombëtare në Universitetin e Kembrixhit dhe tjetra në Institutin Universitar Evropian në Firence.

Shpëtim Bajrami me afat rekord mbrojti me sukses temën e disertacionit në Gjermani, “E drejta e shteteve për vetëmbrojtje kundër aktorëve joshtetërorë”, disertacion në të drejtën publike.