Shpërthehen me thika në pikë të ditës

Gjilan – Katër persona janë përfshirë në një përleshje me thikë ku dy prej tyre kanë pësuar lëndime trupore tha Ismet Hashani.

Të martën rreth orës 16:40, para kafiterisë “Premium cafe” ka ndodhur një tentim vrasje ndërmjet katër personave , ku janë përdorur edhe armë të ftohta(thika), ku për pasojë dy prej tyre kanë pësuar lëndime trupore tha Ismet Hashani zëdhënës i policisë .

Sipas Hashanit njëri prej tyre bazuar sipas raportit mjekësor ka lëndime në krah dhe këmbën e djathtë, (është ndalur në Spital për trajtim të mëtutjeshëm), ndërkaq tjetri ka pësuar lëndime me mjet të mprehtë (thikë) në shpinë (shpatull), dhe se është dërguar nga Emergjenca e Spitalit Rajonal të Gjilanit për në QKUK në Prishtinë , por sipas mjekëve është jashtë rrezikut për jetë.

Në vendngjarje, përveç Njësitit tonë Intervenues, është njoftuar dhe ka dal edhe NJHR-ja dhe Krimteknika, të cilët kanë bërë vendshiqimin.

Është konfiskuar një thikë, e cila dyshohet të jetë përdorur në rast. Është njoftuar edhe Prokurori kujdestar i Prokurorisë së Qarkut, i cili urdhëron që dy nga të dyshuarit të ndalohen për 48 orë tha Hashani./rajonipress/

Shpërndaje.
© RAJONIPRESS