Shpend Ahmeti: Më votuan edhe ata të LDK-së

Kryetari i ri i Prishtinës, Shpend Ahmeti i Vetëvendosjes thotë që është votuar edhe nga njerëzit e Lidhjes Demokratike të Kosovës (LDK) që drejtohet nga Isa Mustafa, kundër kandidat i tij në zgjedhjet e fundit lokale.

Ai në një intervistë për “Epokën e re” thotë që nuk ka pasur marrëveshje me PDK-në e Hashim Thaçit derisa këmbëngul që nuk do të bëjë koalicion për udhëheqjen e komunës së Prishtinës.

Ai ka paralajmëruar që të akuzuarit nuk do të kenë vend në qeverisjen e tij derisa thotë që nuk do të marr asgjë nga plani i Isa Mustafës.

Ai ka thënë që nuk do ti heq simbolet shtetërorë nga Komuna e Prishtinës edhe pse Vetëvendosje është kundër tyre.