Shpallet e pavlefshme pasaporta e ish-Jugosllavisë

Që nga data 1 janar 2012 edhe pasaportat e zakonshme me titullin Republika e Jugosllavisë janë shpallur të pavlefshme, pa marrë parasysh periudhën e vlefshmërisë së tyre.

Në një komunikatë për media, Ambasada e Republikës së Kosovës në Bernë njofton të gjithë ata qytetarë kosovarë në Zvicër që posedojnë ende pasaporta jugosllave, se në vijim të vendimit të marrë nga Departamenti Federal i Drejtësisë dhe Policisë (FDJP), respektivisht Zyra Federale për Migracion (FOM) të gjitha pasaportat e ish Republikës Socialiste të Jugosllavisë (me mbulesë të kuqe dhe tekstin «SFR JUGOSLAVIJA») janë shpallur të pavlefshme dhe si të tilla ato janë jashtë qarkullimit, pavarësisht periudhës së vlefshmërisë.

Që nga data 1 janar 2012 edhe pasaportat e zakonshme me titullin Republika e Jugosllavisë janë shpallur të pavlefshme, pa marrë parasysh periudhën e vlefshmërisë së tyre.

Këto dokumente nuk njihen më nga Zvicra, si dhe poseduesve të dokumenteve të tilla do t`u ndalohet në vazhdimësi hyrja në Zvicër, duke filluar nga data 1 qershor 2012.

Zyra Federale për Migracion poashtu u rekomandon poseduesve të pasaportës jugosllave që urgjentisht, para se të udhëtojnë jashtë vendit, të pajisen me pasaportë të re

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).