Gjilan – Sipas asamblistit Kushtrim Kadriu, nga 109 premtime Alban Hyseni nuk e ka realizuar asnjë. Kështu mendojnë edhe opozita, por edhe shumë qytetar të anketuar të cilët thonë se janë të zhgënjyer me startin e dobët dhe shumë zhgënjyes që po e tregon Alban Hyseni.
Kushtrim Kadriu asambleist komunal ka postuar dy foto ku shihet gjendja e mjerueshme në dy rrugë të qytetit. “Alban Hyseni, nga 109 premtime nuk ka realizuar asnjë të vetëm” pastaj ka shkruar Kadriu.
Në fakt edhe opozita LDK e AAK kanë akuzuar Alban Hysenin se nuk ka realizuar premtimet elektorale, e që është edhe më e keqja, projektet nga qeverisja e kaluar i ka stopuar për qëllime politike.
Nysreti një 38 vjeçar thotë se “ky Alban Hyseni ish mirë me que me naj fshat e me ba zyrtar të Bibliotekës, se për komunë e për Qeverisje ky haber s`kishte” shprehet ai.
Musliu një 52 vjeçar mendon se Alban Hyseni duhet të zbret në tokë dhe t`i shoh gjërat më ndryshe.”Ky Alban Hyseni duhet ta kuptojë se Gjilani është qytet i zhvilluar dhe me kulturë të lartë, këtu njerëzit të përcjellin dhe normal që të kërkojnë llogari. E bëri një budallaki dhe na e mbylli qendrën e qytetit 7 ditë dhe u paralizuam të gjithë” mendon ky taksist.
Edhe, Hanumshahja amvise thotë se është e dëshpëruar tej mase në Alban Hysenin. “Nuk po shoh asnjë progres dhe asnjë punë të hajrit që e ka proklamuar gjatë fushatës Alban Hyseni. Na kërkojmë punë konkrete dhe realizim të projekteve dhe jo demagogji e fjalime të kota” shprehet kjo qytetare./rajonipress/
