Shoferi kosovar i autobusit kontrabandon mallra për të tjerët

Ai kishte marrë mallin nga Zvicra në Kosovë në emër të palës së tretë dhe nuk kishte dokumente doganore për këtë.

Doganierët e njësisë së kontrollit në Lindau kanë kapur shoferin e një autobusi kosovar në Autostradën 96 afër parkingut Humbrechts të martën e kaluar teksa kontrabandonte mallra të ndryshme nga Zvicra, transmeton albinfo.ch.

54-vjeçari kishte në valixhe lodra për fëmijë, veshje të markave të shtrenjta dhe trapana (makina shpuese) me vlerë prej rresh 4000 euro.

Ai kishte marrë mallin nga Zvicra në Kosovë në emër të palës së tretë dhe nuk kishte dokumente doganore për këtë, shkruan presseportal.de.

Më pas, doganierët kanë nisur procedurën kundër shoferit të autobusit duke i ngarkuar 900 euro detyrime importi dhe 400 euro garanci, të cilat ai i ka paguar në vend me kartë krediti, përcjell albinfo.ch. Pas kësaj ai mund të vazhdonte udhëtimin e tij.

Shpërndaje.
© RAJONIPRESS