Shkon për të vjedhur, vritet shqiptari

Romë – Një 26-vjeçar shqiptar është vrarë me armë zjarri mbrëmë në Serle të provincës së Brescias, në Itali. Mediet italiane bëjnë të ditur se 29-vjeçari, Mirko Franzoni, ka qëlluar me pushkë të riun shqiptar, pasi e ka gjetur duke vjedhur në vilën e tij.

Pronari i banesës është lajmëruar nga fqinjët për lëvizje të dyshimta brenda shtëpisë dhe, pasi e ka pikasur hajdutin, ka qëlluar drejt tij me armë gjahu, duke e lënë të vdekur në vend.

Mësohet se Mirko Franzoni, me profesion mekanik, është ndaluar nga policia, ndërsa identiteti i të riut shqiptar ende nuk dihet.

Policia ka marrë menjëherë në pyetje pronarin e shtëpisë, e cili ka deklaruar se ka shtënë pa dashje në drejtim të shqiptarit dhe se nuk kishte qëllim ta vriste atë.