Shkodra: LDK nuk zbret nga froni, do të del edhe më e fuqishme në Gjilan

Gjilan – Milot Shkodra është njëri nga më të votuarit në LDK e Gjilanit dhe është i bindur se ky subjekt politik edhe në zgjedhjet e ardhshme lokale do të jetë sërish e para. Sipas Shkodrës kandidatët kryesor për kryetar komune janë: Lutfi Haziri, Fatmir Rexhepi dhe Arben Mehmeti.

Milot Shkodra është gjenerata e dytë e LDK-së dhe rrjedh nga një familje e madhe e LDK-së që nga themelimi, ndërsa është djali i aktivistit dhe themeluesit e kontribuuesit të madh në LDK, zotit Musa Shkodra, raporton rajonipress.

Por Milot Shkodra ka një avantazh edhe më të madh pasiqë është njëri nga më të votuarit në LDK. Në një prononcim për rajonipress Shkodra thotë se LDK e Gjilanit zgjedhjet e ardhshme lokale i pret me shumë qetësi dhe komoditet. “LDK nuk do të zbret nga froni, bile do të dali edhe më e fuqishme sepse qeverisja e mirë që ka instaluar Lutfi Haziri po ndikon që çdo ditë të kemi përkrahje edhe më të fuqishme” thotë Shkodra.

Milot Shkodra thotë se LDK e ka të ruajtur strukturën e saj dhe ky është garanci më i fuqishëm që e bënë kampione të fitoreve në Gjilan.

Shkodra ka edhe një opinion të tij sa i përket kandidaturave për kryetar komune që mund të dalin nga LDK-ja. Sipas tij është treshja e madhe, Lutfi Haziri, Fatmir Rexhepi e Arben Mehmeti që mund të jenë kandidatët më serioz për të parin e komunës./rajonipress/