Shkencëtarët kanë krijuar çokollatën e shëndetshme me lëng frutash

Lajme të shkëlqyeshme për adhuruesit e çokollatës! Shkencëtarët kanë shpikur çokollatën pa yndyrë. Edhe pse ka dëshmi që çokollata është shumë e mirë për ju – fakti mbetet që është e mbushur me yndyra dhe sheqer që ju trashin.

Tani shkencëtarët kanë zhvilluar një version më të shëndetshëm të çokollatës, duke përdorur lëng frutash – por si funksionon kjo?

Ajo çfarë kanë bërë shkencëtarët është heqja e yndyrave të çokollatës deri në 50 për qind dhe zëvendësimi i tyre me pikëza të vogla lëngu me masë më pak se 30 mikron në diametër. Deri tani, raportojnë ata në “Journal of Material Chemistry”,ata kanë aplikuar

lëngun e portokallit dhe të thanave në çokollatën e qumështit, të zezë dhe të bardhë.

Duket që rezultatet japin strukturën e njëjtë dhe shijen si çokollatë: një delikatesë e këndshme kur e ndan një copë, e cila shkrihet në mënyrë të lëmueshme dhe të shijshme

në gojë. Meqenëse është e mbushur me lëng frutash, shijon, sigurisht pak si fryt – por hulumtuesit shpjegojnë që në teori duhet të jetë e mundshme të arrihen efekte të ngjashme me ujë dhe pak acid askorbik. Dr. Stefan Bon nga Departamenti i Kimisë në Universitetin eWarwick shpjegon: “Studimi ynë është pika fillestare për një çokollatë më të shëndetshme – ne kemi caktuar kiminë pas kësaj teknike të re, por tani shpresojmë që industria e ushqimit do ta marrë metodën tonë për të bërë çokollata të shijshme, me më pak yndyrë.”

Testi i vërtetë do të jetë atëherë kur do të dëshmohet që kjo shijon si çokollatë e vërtetë.