Shkëlqimi dhe rënia e Sllobodanit

Përfundimi i mandatit të Qeverisë së Kosovës dhe organizimi i zgjedhjeve të ardhshme lokale e nacionale sipas të gjitha gjasave do të jetë “fatal” për njërin prej serbëve më të pushtetshëm në Kosovë, Sllobodan Petroviq.

Zëvendëskryeministri i Kosovës, dhe ministri i Pushtetit Lokal, Petroviq, përgjatë qeverisjes së dytë të kryeministrit Hashim Thaçi ka për? tuar jashtëzakonisht shumë nga marrja me politikë.

Asnjë nga politikanët serbë të Kosovës deri më tani nuk kanë arritur ta zënë postin e zëvendëskryeministrit, përpos Petroviqit.

Përveç dy pozitave personale që i ka në ekzekutiv, subjekti politik që ai e drejton, përkatë-sisht, Partia e Pavarur Liberale (SLS) udhëheq edhe me dy ministri të tjera, Ministrinë e Kthimit dhe Komuniteteve, të cilën e drejton ministri Dalibor Jevitiç dhe atë të Punës dhe Mirëqenies Sociale, që udhëhiqet nga ministri Nenad Rashiq, i cili së fundit është larguar nga partia e tij, por që vazhdon ta mbajë pozitën në fjalë.

Përveç këtyre pozitave, liberalët serbë i kanë edhe disa poste zëvendësministrash në Qeverinë e Kosovës.

Falë gjindshmërisë së tij në një kohë kur serbët kosovarë kanë kundërshtuar pothuajse çdo gjë që ka “buruar” nga institucionet e Kosovës, SLS-ja është pjesë shumë e rëndësishme e politikës kosovare.

Kjo parti në zgjedhjet e fundit ka arritur të marrë tetë vende në Kuvendin e Kosovës, ose 14352 vota, gjegjësisht dy përqind e gjysmë të votave në nivel vendi.

Ky rezultat ka bërë që SLSja shpeshherë të jetë vendimtare në kalimin e ligjeve të caktuara./zeri/