Shkatërrohet banda shqiptaro-italiane e trafikut të kokainës

Autoritetet italiane kanë shkatërruar një organizatë kriminale që merrej kryesisht me trafikimin e kokainës. Policia e Xhenovës ka arrestuar shtatë persona, shqiptarë e italianë të cilët trafikonin lëndë narkotike.

Bëhet e ditur se droga importohej nga Holanda dhe më pas shitej në provincat e Italisë.

Momentalisht nuk janë bërë ende të ditur emrat e të arrestuarve. Në këtë operacion, është përfshirë edhe INTERPOL-i, pasi disa persona të dyshuar si anëtarë të bandës mendohet se janë fshehur në Zvicër dhe Shqipëri.