Shkarkimi e bën Besnik Hasin milioner

Trajneri shqiptar e mori skuadrën polake në muajin qershor, ndërsa punoi derisa e çoi atë në grupet e Ligës së Kampionëve, aty ku mungonte prej 20 vitesh.

Nisja e kampionatit nuk qe sukses për të, pasi në nëntë javë kampionat grumbulloi vetëm 9 pikë, duke qëndruar larg pritshmërive.

Edhe në ndeshjen e parë të Ligës së Kampionëve, ku trajneri Besnik Hasi, i cili shkroi historinë me Anderelcht në Belgjikë, nuk mundi që të marrë pikë, por një humbje me shifrat 0-6 në Varshavë i kushtoi atij shumë.

Pas ndeshjes së luajtur këtë fundjavë kundër Zaglebie, të cilën skuadra e tij e humbi në fushën e saj me rezultatin 2-3, bëri që drejtuesve t’iu sosej durimi dhe të largonin gjakovarin.

Por, shkarkimi i tij u bë jashtë kritereve të kontratës, pra në mënyrë të njëanshme.

Kjo gjë e detyron klubin polak që t’i paguajë shumën e mbetur të parave, pra afro 1.5 milionë euro.