Eko Higjiena

Shivan M. pranon vrasjen e Vigan Morinës

/ 2 minuta lexim
Uji Dea

Sipas avokatit të Shivanit ai ishte rrahur nga dy vëllezërit Morina, pastaj i kishte goditur ata me thikë.

Personi i cili akuzohej për vrasjen e shqiptarit Vigan Morina në Cyrih, irakiani Shivan M. ka pranuar veprën. Rreth 6 muaj pas krimit të rëndë, Shivan, sipas avokatit ë tij pranon se natën e 15 korrikut të vitit që shkoi, ka privuar nga jeta me goditje të thikës Viganin 23 vjeçar, njoftojnë mediet zvicerane.

Nga fundi i korrikut ai mbahet në burg, fillimisht në Norvegji, ku ishte arratisur pas varsjes e prej disa muajsh i ekstraduar në Zvicër. Rrethanat dhe motivet e vrasjes vazhdojnë të mbeten të paqarta.

RCCOLA

Ajo që dihet është se natën e kobshme Vigani me vëllanë dhe me shoqërinë e tij ishin duke e festuar ditëlindjen e tij të 23-të në lokalin e njohur të Cyrihut Kaufleute. Brenda klubit ai ishte fjalosur me Shivan M. Atje ishte përshkallëzuar konflikti.

Sipas avokatit të Shivanit ai ishte rrahur nga dy vëllezërit dhe për këtë arsye sigurimi e kishte alarmuar policinë. Pasi qenë përzënë nga klubi, kishin vazhduar konfliktin me ç`rast Shivan kishte goditur dy velleezërit me thikë. Goditjet kishin qenë fatale për Viganin dhe i kishin shkaktuar plagë serioze edhe vëllait të tij, Visarit.

Autoritetet përgjegjëse të Cyrihut nuk kanë qene të arritshme të shtunën për të konfirmur lajmin.(albinfo)