Shitja e vështirë e PTK-së

Qeveria e Kosovës nuk do të mundet më 26 dhjetor ta nënshkruajë kontratën për privatizimin e 75 % të aksioneve të PTK-së, edhe sikur të arrijë ta kalojë amendamentin e “kontrabanduar”, në Ligjin e Buxhetit të vitit 2014.

Për rrjedhojë, asaj do t’i duhet që të kërkojë nga konsorciumi Axos & Najafi shtyrje të sërishme të afatit për nënshkrim, gjë që vështirë se do ta pranojë konsorciumi. Zyrtarë të lartë që janë në rrjedha të këtij procesi kanë bërë të ditur për Tribunën se janë një sërë pengesash procedurale që kjo kontratë të nënshkruhet këtë vit.

Nëse Kuvendi i Kosovës, me gjithë bojkotin e pritshëm të LDK-së dhe Vetëvendosjes, arrin ta miratojë Ligjin për buxhet në seancën e 19 dhjetorit, atëherë konform rekomandimeve të mëhershme të Gjykatës Kushtetuese të cilat tashmë janë bërë normë e punës së Kuvendit, do të duhet të pritet tetë ditë nga dita pasuese e miratimit, për t’u dërguar Ligji te presidentja për shpallje….(Tribuna).