Shitet shtëpia e lindjes e Hemingway

Shtëpia në paralagjen e Chicago’s, në të cilën u lind shkrimtari i njohur, nobelisti amerikan, Ernest Hemingway, dhe në të cilën – siç mendohet – ai shkroi veprat e para të tij, do të jetë sërish një shtëpi banimi, megjithëse adhuruesit e shkrimtarit do të mund ta vizitojnë atë edhe më tej.

Pas hedhjes së shtëpisë në shtije nga Fondacioni i Ernest Hemingway, pronarët e rinj të saj, Kurt dhe Marry-Jane Neuman, përmbyllën kontratën e shitblerjes së patundshmërisë për 525,000 dollarë.

Shtëpia, e cila në vitet e 30’a të shekullit të kaluar ishte e ndarë në tre apartamente të veçanta, në vitin 2001 ishte blerë nga Fondacioni Ernest Hemingway, i cili synonte që atë ta shndërrojë në një qendër kulturore.

Mirëpo, sipas presidentit të Fondacionit, John Berry, pamundësia që të përmbyllej konstruksioni i paraparë financiar e shtyri atë që ta hidhte shtëpinë në shitje publike.