Shemben themelet e shtëpisë së familjes Shabani nga Shipashnica

Gjilan – Nga shiu i mbrëmshëm është shembur një pjesë e themelit të shtëpisë së Fadil Shabanit , nga Shipashnica e Poshtme. Pjesa e shembur i përket pjesës së prapme të murit të shtëpisë , ndërsa pjesët tjera të mureve janë të krisura.

Në vendin e ngjarjes, kanë dalë zyrtarët e Drejtorisë për Mbrojtje dhe Shpëtim dhe ata të Drejtorisë së Urbanizmit. Sipas, Hasan Rapucës , shtëpia është e bërë e pa banueshme dhe paraqet rrezik për familjarët, ajo mund edhe më tepër të deformohet.

Fadil Shabani, kryefamiljar ka thënë se shembja ka ndodhur, afërsisht nga ora 22:00, kur është dëgjuar një krismë dhe dridhje e shtëpisë .“Në atë moment kemi menduar se po ndodh ndonjë termet dhe menjëherë jemi larguar nga shtëpia” .

Problemi tani qëndron se ku mund të vendosën 7 anëtarët e kësaj familje që janë nga mosha 5 deri në atë 77 vjet.

Kjo familje e varfër ka edhe një fëmijë të sëmur që po kurohet në Shqipëri. Me shembjen e mureve të shtëpisë kësaj familje edhe më tepër i janë vështirësuar kushtet jetësore. /rajonipress/

Shpërndaje.
© RAJONIPRESS