SHBA: 23 vjet burgim për bosin xhamajkan të drogës

Bosi famëkeq i drogës, xhamajkani Christopher “Dudus” Coke, është dënuar me 23 vjet burgim në Amerikë, i cili është dënimi maksimal i kërkuar nga prokuroria amerikane.

Coke, 43 vjeçar, u shpall fajtor për trafikim të drogës dhe armëve në gusht të vitit 2011. Një operacion pesë javor për kapjen e tij shkaktoi përleshje në vitin 2010 në kryeqytetin xhamajkan Kingston, nga të cilat pati edhe të vdekur.

Organizata kriminale e tij, me seli në Kingston, trafikonte marihuanë, kokainë dhe armë zjarri, si dhe gëzonte mbrojtjen e partisë xhamajkane në pushtet.