Shaqiri,në mesin e top transfereve

Xherdan Shaqiri është pjesë e top transfereve evropiane, që janë bërë gjatë kësaj vere. Uebfaqja gjermane transfermarkt.de e ka publikuar listën e ekipit që formohet nga lojtarët e transferuar gjatë këtij afati kalimtar, ndërsa në Top 11 gjendet edhe mesfushori kosovar, i cili iu bashkua Bayern Munichut nga Baseli për 11,6 milionë euro.

Listës i prin Eden Hazard. 21-vjeçari e la Lillen për t’iu bashkuar Chelseat për 40 milionë euro. I dyti është braziliani Oscar. 20-vjeçari iu bashkua po ashtu kampionit aktual evropian nga Internacional Porto Alegre për 32 milionë euro. Për këtë dyshe, klubi londinez shpenzoi 72 milionë euro.

Në këtë ekip bën pjesë edhe mbrojtësi i majtë spanjoll, Jordi Alba, i cili e la Valencian për të shkuar në Barcelonë për 14 milionë euro. Sa u përket ekipeve, atëherë lirisht mund të themi se përpara Chelseat qëndron Paris Saint Germain, i cili deri tash këtë verë ka shpenzuar 99 milionë euro, duke përfshirë këtu tri përforcimet ‘bombë’, Zlatan Ibrahimovic, Thiago Silva dhe Ezequiel Lavezzi.

Shpërndaje.
© RAJONIPRESS