Shaqiri tregon për shoqërinë me Riberyn

Bern – Për Xherdan Shaqirin nuk ka kohë për të marrë frymë.

Mesfushori 20-vjeçar nuk ka mundur të festojë gjatë pas triumfit të Bayernit në Superkupë ndaj Dortmundit me rezultatin 2:1. Ai në mesnatë u paraqit në Zuerich ku është mbledhur Përfaqësuesja e Zvicrës.

“Nuk fituam Ligën e Kampionëve”, thotë Shaqiri. Të mërkurën (20:00) në Split do të zhvillohet ndeshja miqësore me Kroacinë.

Trajneri i Bayernit, Jupp Heynckes, ka dërguar zviceranin në ndeshjen me përfaqësuese me fjalë miradije.

“Shaqiri është një talent i jashtëzakonshëm”, ka thënë Heynckes.

Shaqiri në Mynih ndihet shumë mirë. Gjithë atë bujë për të e merr me qetësi.

“Është bukur kur të shohin si lojtar të adhuruar nga publiku, por unë duhet të punoj ende shumë”, ka thënë Shaqiri.

Shaqiri në Bayern tashmë e ka gjetur një shok.

“Unë me Franck Riberyn po kaloj shumë kohë së bashku dhe po kënaqemi shumë”, tregon “Shaq”.

Tash Shaqiri mezi pret përballjen me Ivan Rakitiqin (ish-lojtarin e Baselit) dhe Mario Manxhukiqin (bashkëlojtarin e tashëm të Bayernit).

“Do të jetë një ndeshje mjaft interesante në Kroaci”, thotë Shaqiri.

Shpërndaje.
© RAJONIPRESS