Shaqiri mund të përfitojë nga kriza e Robbenit në “Euro 2012”

Muenchen, 15 qershor – Xherdan Shaqiri nuk është duke u paraqitur në Kampionatin evropian të futbollit, por mesfushori kosovar është duke përfituar nga “Euro 2012” që po mbahet në Poloni e Ukrainë.

Rivali i drejtpërdrejtë i Shaqirit për një vend në përbërjen bazë te gjiganti gjerman, Bayern Muenchen, holandezi Arjen Robben është duke treguar formë të dobët dhe kjo shkon në favor të reprezentuesit të Zvicrës. Holanda ka humbur dy ndeshjet e para dhe është në prag të eliminimit.

Të mërkurën mbrëma u mposht nga Gjermania me rezultatin 2:1. Robben u zëvendësua në minutën e 83-të. Ndeshjen e parë Holanda e humbi nga Danimarka me rezultatin 1:0. Robben në atë takim luajti 90 minuta, por edhe sikundër Gjermanisë nuk u tregua dominant. Holanda është e fundit në grupin B, ndërsa ndeshjen e fundit e luan me Portugalinë.

“Unë besoj se Xherdani mund t’ia dalë kundër Robbenit”, ka thënë presidenti i Baselit, Bernhard Heusler për “blick.ch”. Mediumi zviceran ka shkruar se mes Robbenit dhe Shaqirit pritet të ketë rivalitet të madh. Të dy luajnë në pozitën e mesfushorit të krahut të djathtë

Shpërndaje.
© RAJONIPRESS