Shaqiri me notën më të lartë ndaj Brazilit

Dyshja e mesfushorëve kosovar, Xherdan Shaqiri dhe Valon Behrami kanë shkëlqyer në fitoren e Përfaqësueses zvicerane përballë Brazilit 1:0.

Gazeta prestigjioze zvicerane ‘Blick’, i ka dhënë me plot të drejtë notat më të mëdha mesfushorëve kosovarë duke i notuar me notën gjashtë. Behrami në këtë takim u ndëshkua edhe me karton të verdhë, ndërsa goli i fitores erdhi pasi aksioni u nis pikërisht nga ‘Shaqa’.

Në këtë takim luajtën edhe dy futbollistë të tjerë shqiptarë, Blerim Xhemaili dhe Granit Xhaka. Mesfushori i Napolit është vlerësuar me notën pesë, ndërsa një notë më të vogël ka shkuar për Granitin.