Përforcimi i verës i Bayern Munichut, Xherdan Shaqiri është i gatshëm të shkëlqejë me ekipin Bavarez në Bundesligë. Mesfushori kosovar iu bashkua Bayernit këtë verë nga Baseli, pasi palët ishin marrë vesh qysh në shkurt, që ai ta kalojë në Allianz Arena.
20 vjeçari beson se e posedon atë që i nevojitet për të pasur sukses në top kompeticione evropiane, ndërsa beson se ekipi i Jupp Heynckes ka kapacitet për t’ia rrëmbyer titullin e kampionit Borussia Dortmundit.
“Këtu kam edhe më shumë vullnet, sepse është një botë komplet tjetër me atë në Zvicër. Janë disa kompeticione dhe kjo është një gjë e rëndësishme. Kemi presion të madh në veten dhe kjo ndihet. Mirëpo, mendoj se do t’ia dalim ta menaxhojmë atë si është më së miri”, theksoi Shaqiri për TZ. “Jam i gatshëm për ligë. Këto ekipe kanë luajtur gjithmonë për titull. Borussia Dortmundi është kundërshtari ynë më i fuqishëm”, vazhdoi përfaqësuesi zviceran.
