Shaqiri hyn në lojë dhe e vendos lojën vetë

Xherdan Shaqiri ka qenë edhe një herë protagonist tek Chicagon.

Ylli kosovar ka hyrë në lojë nga bankina për t’ia siguruar fitoren ekipit të tij me rezultat 3:2 kundër Minnesotas në ndeshjen e vlefshme për Kupën e Ligës.

Përfaqësuesi zviceran ne barazoi rezultatin nga penalltia, ndërsa më pas ishte i përfshirë edhe në dy golat tjera të skuadrës, shkruan “Gazeta Express”.

I futur në lojë në minutën e 66-të, numri 10 shënoi nga 11 metërshi pas vetëm tre minutash, duke iu përgjigjur me gol provokimit të portierit kundërshtar.

Ndërsa, më pas dhuroi asistim për 2:2 që e shënoi Arnaud Souquet në minutën e 79-të dhe më pas një tjetër asist për Kai Kamara, i cili në minutën e 83-të e vulosi fitoren e Chicagos.

Me këtë fitore, Fire mbesin në garë për të zbarkuar në të 16-ën e finales së kësaj gare, e cila i mbledh 29 skuadrat e MLS dhe 18 ekipet e kampionatit elitar meksikan. /Gazeta Express/