Shaqiri drejt Anglisë

Xherdan Shaqiri pritet të largohet nga Bayern Munichu gjatë janarit. Mesfushori kosovar kërkohet nga disa klube, por ende nuk ka vendosur saktësisht se ku do ta vazhdojë karrierën, edhe pse ka kontratë me gjigantin bavarez deri në vitin 2016.

Sipas mediave britanike, respektivisht tabloidit “Daily Express”, Bayerni po mendon ta dërgojë 22-vjeçarin në Manchester United, për të ardhur deri tek Ander Herrera, mesfushori spanjoll i “Djajve të Kuq”, pas lëndimit të Philippe Lahm.

Megjithatë, kampioni gjerman duhet ta dëgjojë edhe dëshirën e përfaqësuesit zviceran. Për të, interesim ka shfaqur edhe gjiganti tjetër anglez, Liverpool, Juventusi në Itali dhe Atletico Madridi në Spanjë. Gjilanasi deshi të largohej nga Bayerni edhe gjatë verës.