Shala rikthehet në Lahti

Drilon Shala ka vendosur që karrierën ta vazhdoj te skuadra e Lahtit, aty ku bëri emër si futbollistë.Pas një eksperience të shkurtër te ekipi turk Tavsanli Linyitspor, dhe ai finlandez PK 35, sulmuesi prizrenas vendosi të rikthehet në folenë e vjetër.

26 vjeçari ka nënshkruar kontratë dyvjeçare me FC Lahtin, derisa është shprehur shumë i lumtur me rikthimin në Lahden Stadion.

“Jam shumë i lumtur që unë riktheva në shtëpi dhe është një nder i madh për të veshur sërish fanellën e Lahtit”, ka thënë Shala për Express.

Lahti e ka përfunduar sezonin 2013 në vendin e katërtë të renditjes tabelore në elitën e futbollit finlandez. Por, Shala beson se ekipi do të luftoj për titull vitin tjetër.

“Kam biseduar me drejtuesit e klubit dhe synimet për sezonin e ri janë të larta. Unë jam e lumtur që jam pjesë e këtij projekti, dhe dua ta ndihmoj klubin që t’i arrijë objektivat”, ka theksuar Shala.