Sevdali Berisha bëhet me shtëpi të re

Gjilan – Falë Kompanisë “Diamond” dhe angazhimit të kryetarit të komunës i është ndërtuar shtëpia e re familjes së Sevdali Berishës. Mbi 20 mijë euro është vlera e ndërtimit të shtëpisë për familjen Berisha.

Duke ju falënderuar angazhimit të kreut të Komunës Qemajl Mustafa dhe humanizmit që ka treguar pronari i kompanisë “Diamond” Nehat Mustafa, pastaj biznesmeni Asllan Syla, kompanisë “Protec” dhe donatorë të tjerë , familja e Sevdali Berishës është bërë me shtëpi të re.

Sevdali Berisha baba i katër fëmijëve tha për rajonipress se ka jetuar në kushte të vështira ekonomike derisa ka punuar si taksist. “Për mua ndërtimi i kësaj shtëpie që ka tri dhoma është shumë e madhe .Nga zemra i falënderojë të gjithë ata që janë kujdesur që dimrin ta kalojë në shtëpi të re” tha Berisha.

Sevdali Berishën në takim e kanë pritur edhe nënkryetari i Komunës Omer Daku, drejtori i mirëqenies sociale Xhemajl Salihu dhe Bujar Nevzati drejtor i arsimit.

Daku tha se rasti i Berishës vërtet na ka gëzuar sepse kemi arritur ta sistemojmë në një shtëpi të re dhe komode.”Komuna me të gjitha mjetet dhe kapacitet që ka dhe veçanërisht duke ju falënderuar interesimit të kryetarit të komunës kemi arritur që disa familje skamnore tashmë t`i bëjmë me shtëpi të re. Aksione të tilla do të vazhdojnë edhe në të ardhmen” tha Daku.

Kurse Xhemajl Salihu u shpreh i kënaqur që kjo familje tani ndodhet në kushte më të mira jetese. “Ne kemi shumë kërkesa për raste të tilla dhe po mundohemi të identifikojmë rastet më urgjente” tha Salihu.

Nehat Mustafa i cili ka dhënë mbi 10 mijë euro për ndërtimin e kësaj shtëpie tha pwr rajonipress se ndihet shumë i lumtur që ka pasur mundësi ta ndihmojë një familje skamnore. “Kjo është më e pakta që kam mundur të bëjë sepse në Kosovë ka shumë raste që kanë nevojë për të ndihmuar” tha Mustafa. /rajonipress/