UBT

Serwer: Platforma është ëndrra e Milosheviqit, konfliktet janë të mundshme

/ 2 minuta lexim
Mobi Casa

Ankara – Eksperti për Ballkanin Daniel Serwer thotë se platforma për Kosovë, e harmonizuar nga Qeveria dhe kryetari serb, është mu ajo që e ka dashur edhe vetë Milosheviqi.

Ai në deklaratën për agjencinë Anadolia, ka tërhequr vërejtjen se janë të mundshëm konflikte e armatosura pasi që Serbia me platformën e re ka treguar qartë se nuk do të heqë dorë lehtë nga veriu i Kosovës, transmeton B92.

“Mendoj se platforma e re për Kosovën nuk mund të ndihmojë shumë për marrëdhëniet e ndërmjet Kosovës e Serbisë. Beograd po përpiqet të mbajë synimin për sovranitet në gjithë Kosovën dhe të mundësojë sistem në të cilin serbët e Kosovës do të administroheshin ndaras. Me këtë formulë shqiptarët do të mbeteshin pa shtet dhe do të vazhdonin të jetonin në kufijtë e Serbisë, e mu kjo ka qenë ëndërr e Milosheviqit”, ka porositur Serwer i cili është profesor i studimeve ndërkombëtare në Universitetin amerikan John Hopkins.

ARKATANA

“Janë të mundshëm konfliktet e armatosur pas kësaj iniciative serbe, por me këtë nuk dua të them se edhe i përkrah konfliktet e armatosur. Sido që të jetë, Kosova për shkak të synimit të Serbisë, duhet ta tërheqë vëmendjen në sovranitetin e gjithë territorit të saj për shkak të kërcimeve të sigurisë me të cilat mund të ballafaqohet në të ardhmen Prishtina”, ka thënë Serwer.

Megjithatë Serwer është i bindur se ka marrë fund vijëzimi i kufijve si dhe tregtimi me territore në Ballkanin turbulent. Ai shtoi se Serbia me siguri do të përpiqet të lidhë rastin e Kosovës me B e H-në.