Sërish me shi

Kushtuar dy dëshmorëve; Njazi Rexhepit, Sllatinë e Epërme dhe Florin Maliqit, Sodovinë e Qerkezve, Viti.

Sa herë vjen 6 Maji fillon të bie shi
Duke i kujtuar dy dëshmorët tanë
Ata n’luftë shkuan të luftojnë për liri
Ishin krenarë që për Kosovën ranë…

Dy të rinj, Njazi Rexhepi dhe Florin Maliqi
Kapën pushkët që atdheut t’i dalin zot
Nuk i ndali as bora,shiu e as serbfashisti
Ishin betuar se do të mbrojnë këtë tokë.

Me 6 Maj u vranë në Betejën e Kosharës
Duke i dridhur kufijtë që na ndanë me vite
Ishin kufi t’caktuar nga regjimi jugosllavës
Që kishin coptuar tokat tona të lashta ilirie.

Sot populli dëshmorët i kujton me respekt
Duke kujtuar çdo vit heronjtë tanë dëshmorë
Dhe shkollat,rrugët mbajnë emrat e shenjtë
Dhe kurrë s’do i harrojmë në Kosovën tonë

Zymer H.Haliti, 6 maj 2023