Ministri i arsimit në Serbi, Zharko Obradoviq, ka thënë se planet për përdormimin e Abetarës mbarëkombëtare janë të Shqipërisë dhe Kosovës, por Serbia ka ligjet e veta dhe se “tekstet si Abetarja duhet të kalojnë në duart e Serbisë”.
“Po mirë, ato plane, projekte janë të tyre dhe është punë e Shqipërisë dhe Kosovës çfarë bëjnë me tekstet e tyre, por ne në Serbi kemi ligjet tona dhe çdo tekst, sikur edhe Abetarja, duhet të kalojnë nëpër duar tona, domethënë të ekspertëve dhe me pëlqimin tonë si dhe mes ndërkombëtarëve, OSBE-së, Tiranën si dhe KKSH dhe autoritetet tjera locale të Luginës”, ka thënë ai për “Presheva jonë”.
Ndërkohë, Iniciativa e të Rinjve për të Drejat e Njeriut i ka bërë thirrje Ministrisë së Arsimit për zgjidhjen e problemeve të teksteve në gjuhën shqipe për shkollat fillore dhe të mesme në komunat e Medvegjës, Bujanocit e Preshevës.
