Serbia në të gjitha ‘fronet’ mundohet të dalë kundër Ushtrisë së Kosovës

Ministri i Punëve të Jashtme të Serbisë, Ivica Daçiq, ka thënë se në Këshillin e Sigurimit të OKB-së, do të ‘luftojë’ me të gjitha forcat për ta parandaluar themelimin e ushtrisë së Kosovës.

Një ditë para se të mbahet seanca e radhës për Kosovën në Këshillin e Sigurimit të Organizatës së Kombeve të Bashkuara (OKB), ministri i Punëve të Jashtme të Serbisë, Ivica Daçiq, ka treguar se çfarë do të diskutojë në këtë mbledhje, transmeton lajmi.net.

Daçiq ka thënë se në KS të OKB-së, do të diskutojë për themelimin e ushtrisë së Kosovës dhe siç u shpreh ai, do të përdor të gjitha “forcat” kundër themelimit të saj.

Daçiq ka konfirmuar për “Sputnik”, se themelimi i ushtrisë së Kosovës është në kundërshtim me Rezolutën 1244.

“Unë do të argumentoj para të gjitha forcave më të mëdha të botës se themelimi i ushtrisë së Kosovës është në kundërshtim me Rezolutën 1244, rezolutë kjo që është miratuar nga Këshilli i Sigurimit”, deklaroi Daçiq, transmeton lajmi.net.

Daçiq po ashtu ka thënë se në mbledhjen e nesërme do ta paraqes edhe çështjen e ngritjes së taksës prej 10 për qind nga qeveria e Kosovës për mallrat serbe. Sipas tij, në KS të OKB-së, do të paraqes edhe të gjitha siç i i quajti ai, vendimet e njëanshme që janë bllokuar plotësisht nga Prishtina në dialogun që është duke u zhvilluar në Bruksel.

“Prishtina ka shkelur marrëveshjen e CEFTA-s duke ngritur taksë për mallrat e Serbisë. Prishtina po ashtu është duke lobuar për anëtarësim në INTERPOL, edhe pse nuk është anëtare e plotë e OKB-së. Të gjitha argumentet janë në anën e Beogradit, i cili i ka përmbushur të gjitha detyrimet e ndërmarra. Ne e repsektojmë plotësisht Rezolutën 1244, por edhe dialogun që po e zhvillojmë në Bruksel”, deklaroi kreu i diplomacisë serbe, Daçiq, i cili shtoi se, mbledhja e nesërme për të diskutuar për Kosovën është thirrur me iniciativë të Kinës.

Ndryshe në mbledhjen e nesërme të Këshillit të Sigurimit të Organizatës së Kombeve të Bashkuara do të diskutohet rreth raporti të Sekretarit të Përgjithshëm të OKB-së, Antonio Guterres mbi punën e UNMIK-ut në Kosovë.

Kujtojmë se seanca e kaluar në të cilën u diskutua për Kosovën është mbajtur më 18 maj të këtij vit. Që nga ajo kohë nuk është mbajtur më asnjë mbledhje sepse përfaqësuesit e tre shteteve më të mëdha në OKB, SHBA, Britania e Madhe dhe Franca, kërkuan që këto mbledhje çdo gjashtë muaj dhe jo çdo tre muaj siç ishin mbajtur zakonisht.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).