Serbi – Shqipëri, përsëritet?

Ndeshja e shumëpërfolur mes Serbisë dhe Shqipërisë mund të përsëritet. Kështu së paku ka shkruar gazeta serbe ‘Politika’

As fitore për Serbinë e as për Shqipërinë. Kështu si duket do të vendos komisioni i UEFA-s. Gazeta serbe, ‘Politika’, në orët e vona të së enjtes ka botuar një shkrim ku shkruan se ndeshja mes Serbisë dhe Shqipërisë do të përsëritet dhe se fitore në tavolinë nuk do të ketë për asnjërën skuadër. Sipas kësaj gazete e cila është bazuar në burimet e saja ndeshja do të përsëritet në një terren neutral dhe do të luhet pa tifozë.

Vendimet e UEFA-s, sipas gazetës ‘politika’.

1. Do të luhet ndeshje e re mes Serbisë dhe Shqipërisë në një terren neutral pa tifozë.

2. Federata e Futbollit të Serbisë (FFS), për shkak të hyrjes së tifozëve në terren do të ndëshkohet me luajtje pa tifozë deri në fund të kualifikimeve për në Kampionatin Evropian ‘Francë 2016’.

3. Federata e Futbollit të Serbisë (FFS), do të dënohet me një shumë të madhe të parave nga UEFA.

E njëjta gazetë nuk ka përmendur ndonjë masë ndëshkuese për Kombëtaren e Shqipërisë, apo për ndonjë lojtarë që janë përfshirë në incident.