Serbët i çmend fakti që Kosova do të hyjë në kualifikimet e botërorit

Pasi është hedhur shorti për kualifikimet e kampionatit botëror ‘Rusi 2018’, Përfaqësuesja e Kosovës po shpreson se do të hyjë në njërin nga dy grupet me pesë skuadra.
Grupi H dhe I janë dy grupet me nga pesë skuadra ku mund të futet Kosova, por ky fakt nuk po i pëlqen aspak medieve serbe.

Për këto media, hyrja e Kosovës në njërin prej grupeve H ose I, është shumë e habitshme dhe aspak normale.

“Platini i premtoi Vokrrit se Kosova do të hyjë në kualifikime”, është titulli i ‘Alo.rs’.

“Kosova hynë më vonë në kualifikimet për Kupën e Botës në Rusi?”, shkruan ‘Telegraf.rs’. “Edhe Kosova në kualifikimet për Botërorin e Rusisë”?!, është titulli i ‘Sportske.net’.

Edhe pse për komshinjtë tanë ky lajm duket i çuditshëm dhe aspak normale, Kosova për tu bërë pjesë e kualifikimeve është shumë gjë e drejtë, pasi vendi ynë ka talente të mëdha dhe duhet t’i tregojë gjithë botës se dimë të luajmë futboll dhe të korrim suksese edhe në Evropë dhe botë. /Telegrafi/