RCCOLA

Serbët e Anamoravës nuk e përfillin vendimin e MPB

/ 1 minutë lexim

Gjilan – Serbët e Gjilanit, Kamenicës dhe Vitisë nuk e kanë përfillur vendimin e Ministrisë së Brendshme të Kosovës, që i obligon ata t’i ndërrojnë targat e vjetra serbe me RKS ose KS.

Pak qytetar serb e kanë respektuar vendimin e MPB që të mos qarkullojnë me targa të vjetra pas datës 1 qershor. Edhe pse janë vërejtur më pak vetura me tabela GL, megjithatë ka pasur sërish vetura me tabela të vjetra në komunikacion.

Fidanishtja

Edhe në rrugët e Kamenicës janë parë sërish automjete serbe duke lëvizur me targa “GL”.
Qytetarët serbë të Kosovës, për më shumë se dhjetë vjet i kanë përdorur targat e vjetra të automjeteve të ish-Jugosllavisë. Ministria e Brendshme kishte paralajmëruar ata, se nga 1 qershori nuk mund të lëvizin me ato targa në rrugët e Kosovës, në të kundërtën do t’i konfiskoheshin.

Vendimi për targat është pjesë e marrëveshjes për lëvizje të lirë, të arritur në kuadër të dialogut ndërmjet Kosovës dhe Serbisë./rajonipress/radiopremiera/