Selami Klaiqi dhe Inspektorati i Arsimit diskutojnë për rritjen e cilësisë në Gjilan

Kamenicë – Drejtoria Komunale e Arsimit në Gjilan ka zhvilluar një takim me përfaqësues të Inspektoratit të Arsimit, dega në Gjilan, me fokus avancimin e cilësisë në sistemin arsimor.

Në këtë takim, drejtori i arsimit, Selami Klaiqi, së bashku me stafin e tij, diskutoi me zyrtarët e inspektoratit për rëndësinë e një procesi të strukturuar dhe profesional të vlerësimit të performancës së mësimdhënësve, si dhe për fuqizimin e mekanizmave të vlerësimit të brendshëm në institucionet arsimore.

Sipas pjesëmarrësve, një vlerësim i drejtë dhe objektiv ndikon drejtpërdrejt në rritjen e cilësisë së mësimdhënies, përmirësimin e rezultateve të nxënësve dhe zhvillimin e vazhdueshëm profesional të stafit arsimor.

Takimi u vlerësua si një hap i rëndësishëm drejt forcimit të bashkëpunimit institucional dhe ngritjes së standardeve në arsimin lokal./rajonipress/