Sejdullah Kadriu, personalitet me ndikim dhe figurë e respektuar e Malësisë së Bujanocit

Gjilan – Malësia e Bujanocit ka humbur në vitin 2023 një nga figurat e saj më të përkushtuara, mësuesin dhe veprimtarin e çështjes kombëtare, Sejdullah Kadriu. I njohur për kontributin e tij në arsim dhe për angazhimin në rrethana të vështira historike, Kadriu mbetet një emër i respektuar në kujtesën kolektive të kësaj ane.

Jeta e Sejdullah Kadriut ishte një dëshmi e rrallë e përkushtimit të palëkundur ndaj atdheut dhe njerëzve të tij. Ai jetoi me bindjen se shërbimi ndaj kombit është mision, jo zgjedhje e përkohshme, dhe këtë e dëshmoi në çdo hap të jetës së tij. Edhe përballë vuajtjeve dhe sfidave të shumta shëndetësore, nuk u tërhoq kurrë, por qëndroi i fortë, i pranishëm dhe me vullnet të pashtershëm në mesin e bashkëqytetarëve të tij.

Sejdulla Kadriu mbetet një figurë që mishëron vlerat më të larta njerëzore e profesionale – një atdhetar i përkushtuar, një pedagog i devotshëm dhe një qytetar i ndershëm, urtësia dhe integriteti i të cilit do të vazhdojnë të frymëzojnë brezat që vijnë.

Ai ushtroi profesionin e mësuesit me përkushtim të lartë, fillimisht në shkollën fillore “Skënderbeu” në Zarbincë, për të vazhduar më pas punën edukative edhe në qytetin e Gjilanit. Përveç rolit të tij në arsim, ai ishte i përfshirë aktivisht në Lëvizjen Kombëtare ilegale të kohës, duke dhënë kontribut të çmuar në rrethana represive.

Sejdullah Kadriu veproi ngushtë me bashkëveprimtarin dhe familjarin e tij, Njazi Kadriu, me të cilin ndau jo vetëm idealet, por edhe vuajtjet në burgjet e Serbisë. Megjithëse nga aspekti moral dolën më të fortë, pasojat e torturave lanë gjurmë të rënda në shëndetin e tij, të cilat e shoqëruan deri në fund të jetës.

Pavarësisht sfidave dhe vuajtjeve, Kadriu mbeti i palëkundur në dashurinë për atdheun dhe në përkushtimin ndaj njerëzve. Ai njihej për urtësinë, modestinë dhe afërsinë njerëzore, duke lënë pas një trashëgimi të çmuar si pedagog, atdhetar dhe qytetar shembullor.

Figura e Sejdullah Kadriut do të kujtohet si një simbol i qëndresës, dijes dhe përkushtimit ndaj çështjes kombëtare, duke mbetur një model frymëzimi për brezat që vijnë.

Sejdulla Kadriu, një jetë në shërbim të atdheut, një kujtim që nuk shuhet

Sejdulla Kadriu ishte nga ata njerëz që nuk u ndanë kurrë nga e mira dhe dashuria për atdheun, edhe kur jeta e vuri përballë dhimbjeve dhe padrejtësive të mëdha. Plagët e kohës dhe dhuna që përjetoi nuk e thyen shpirtin e tij; përkundrazi, ai qëndroi i fortë, i qetë dhe i palëkundur, si në familje ashtu edhe mes miqsh e shokësh.

Prania e tij ishte gjithmonë e ngrohtë dhe frymëzuese, sepse në të gjeje urtësi, modesti dhe një afërsi të rrallë njerëzore. Figura të tilla janë pasuria më e madhe e një kombi dhe Sejdulla Kadriu mbetet një fanar i pashuar, një model idealisti që do të ndriçojë ndërgjegjen tonë brez pas brezi.

Sejdullah Kadriu mbeti një nga ata njerëz që e përjetuan thellë dhimbjen e burgjeve serbe, por që nuk lejuan kurrë që ajo t’ua thyejë shpirtin. Nga ato përvoja të rënda ai doli më i fortë në bindje, më i palëkundur në idealet e tij dhe më i vendosur në dashurinë për atdheun.

Megjithatë, plagët e torturave nuk u shëruan kurrë plotësisht, ato lanë gjurmë të thella në shëndetin e tij fizik, duke e shoqëruar deri në fund të jetës. Në vitin 2023 ai u nda nga jeta, por jo nga kujtesa jonë, sepse qëndresa dhe sakrifica e tij mbeten dëshmi e gjallë e një kohe të rëndë dhe e një karakteri të pathyeshëm./rajonipress/