Seferi falënderon tifozët

Boksieri shqiptar, Nuri Seferi, i ka falënderuar të gjithë ata që e mbështetën në meçin e së premtes kundër hungarezit Tamas Lodi, të cilin e mposhti pas 12 rundeve dhe u shpall kampion në versionin WBO të Evropës.

“Miq të mi, më lejoni t’u falënderoj përzemërsisht për mbështetjen tuaj. Ju jeni forca ime. Faleminderit”, ka shkruar “Tajsoni Shqiptar” në rrjetet sociale. Meçi u zhvillua në Hamburg në prani të mbi 3.000 shikuesve.