Se a është një vend i varfër apo i pasur, varet nga institucionet e tij

Nga Arben Kurteshi – “Politikanët në vendet e varfra, nuk dinë se si funksionon ekonomia!“, kjo është hipoteza injorante ekonomike.

”Madhësia e suksesit përcaktohet nga madhësia e besimit në sukses“

Se a është një vend i varfër apo i pasur, varet nga institucionet e tij

Qyteti i ndarë në mes ( Amerikës dhe Meksikës) „Nogales“, në anën amerikane të ardhurat mesatare janë 30’000 $ në vit; ndërsa në atë meksikane vetëm 10‘000 $ në vit.

Shumë shtete, tregojnë se si u zhvilluan, dhe se si dështuan ekonomitë e tyre pas pavarësisë.

Si arriti shteti afrikanë Botswana të zhvillojë ekonominë gati të barabartë me Hungarinë.
„Madhësia e suksesit përcaktohet nga madhësia e besimit në sukses“!
„Nëse mendohet në qëllime të mëdha, presim arritje më të mëdha.

Lajmi i mirë është edhe Irlanda, që brenda një gjenerate prej shtetit më të varfër në Evropën perëndimore në shtetin gati më të pasur në botë, për kokë banori
Prej 40-të miliardëve dollarë në fillim të viteve të 90-ta në mbi 133 miliardë dollarë në vitin 2008 ka arriturë rritja e produktivitetit të shtetit. Vetëm për 18-të vite rritje mbi 90 miliardë dollarë.

Kjo arritje është bërë vetëm me rritjen e cilësisë të arsimit dhe thithjen e investimeve të huaja. Para kësaj mrekullie ekonomike Irlandës i ka migruar gjysma e popullsisë në Amerikë rreth 4 milion banorë.

Po të ndodhë kjo mrekulli ekonomike në Kosovë; do të nënkuptonte për Kosovën rritje hipotetike e ekonomisë për 4-fishë, pra paga minimale do të ishte mbi € 1‘000. muaj.

Shembulli jo i mirë është në Sierra Leone menjëherë pas pavarësisë pushteti ndërpreu hekurudhën më të gjatë në vend e posa ndërtuar nga anglezët, nga frika se ata që e përdornin për transport mallrash mund të forcohen dhe ta marrin pushtetin.

Pra, nuk qëndron problemi i zhvillimit ekonomik në vend, se nuk di pushteti ta zhvillojë, apo se mungojnë resurset natyrore apo financiare, por se një regjim shpërblen dhe zhvillon vetëm ata që e ndihmojnë të mbajë pushtetin, pa marrë parasysh asnjë vlerësim tjetër cilësorë./rajonipress/

Shpërndaje.
© RAJONIPRESS