Sarkozy: Merkel është shumë simpatike

Pak javë pas largimit nga detyra e Sarkozy dhe bashkëpunëtorëve të tij, në publik dalin detaje interesante se ç’këndvështrim kishte ish-presidenti francez për kancelaren gjermane.

Detajet janë zbuluar nga ish-ministrja franceze, Roselyne Bachelot në librin e saj “A feu et…sang” ( Zjarr e…gjak) që nga sot ndodhet në shitje në libraritë franceze.

Ish-ministrja franceze shkruan në libër se Sarkozy i kish thënë në një rast, në një nga takimet e shumta me Merkel nuk është e shëmtuar.

“Është shumë simpatike. Kur i pëlqen një film ma dërgon edhe mua. Pastaj ajo veshja…vishet…por nuk është e shëmtuar. Adhuron verën dhe bukën e thekur me djathë”, transmeton TCH përmbajtjen e librit.

Për muaj me radhë, në përpjekje për të nxjerrë Europën nga kriza e thellë financiare, ish-presidenti francez, Nicolas Sarkozy dhe kancelarja gjermane Angela Merkel takoheshin mjaft shpesh, aq shpesh se “dyshja e parisë” europiane nisi të quhej nga media si e pandarë e për këtë iu vendos edhe shkurtimi dy në një, “Merkozy”.