Samardzic: S’ka BE pa e njohur Kosovën

“Nuk mund të hyni në BE, nëse nuk e njihni Kosovën”, ka thënë shefi i grupit parlamentar të Partisë Demokratike të Serbisë (DSS), Slobodan Samardzic.

“Ju nuk mund të hyni në BE, nuk mund t’i filloni as bisedimet e pranimit në BE, nëse nuk e pranoni Kosovën. Duhet të përcaktoheni për njërën. Nuk mund të zhvilloni marrëdhënie të mira fqinjësore krahas, siç keni thënë, respektimit të sovranitetit, sepse shumica e këtyre vendeve e njohin Kosovën”, tha ai në një debat parlamentar.

Deputeti i DSS-së ka deklaruar se qeveria e Serbisë, në vazhdim të dialogut me Prishtinën, do të ballafaqohet me ultimatume dhe tekste të gatshme që cilat do t’i pranojnë palët në bisedime, “ashtu siç ka ndodhur deri tash”. /Telegrafi/