Salihu: Sokol Haliti, është përbrenda logjikës klienteliste

Viti – Sokol Haliti, është përbrenda logjikës klienteliste, e cila e ka bërë të investoj gjithnjë në ato fshatra të cilat mendon se mund t`i përkthej fuqishëm në votë elektorale tek subjekti i tij. Andaj kjo logjikë është jashtë interesit vitias dhe e cila nuk mund të shërbej paanshëm brenda masës shoqërore thotë deputeti Salih Salihu.

Një neglizhencë e tillë është shprehur edhe në fshatin Debellde, ku fshatarët në këtë rast janë duke vuajtur pasojat e komunës për mungesë pёrgjegjshmёrie.

Zvarritja e projekteve publike dhe cilësia e dobët e tyre janë fotografia më e mirë e keqqeverisjes së Sokol Haliti, të cilën e ka realizuar qysh prej ardhjes së tij në krye të komunës. Një nga rastet që i ka kushtuar shumë qytetarëve të Vitisë, dhe në veçanti të fshatit Debellde, është zvarritja e investimit të ujësjellësit në këtë fshat.

Tash e tri vite zvarritet projekti i ujësjellësit në këtë fshat dhe ky fakt ia ka rënduar shumë jetën e qytetarëve. Derisa komunarët e Vitisë bëjnë reklama e paraqitje, qytetarët e Debelldesë vuajnë pa ujë edhe në këto ditë të acarta të ftohtit!

Si deputet i Republikës së Kosovës, por edhe si kryetar i Qendrës së Lëvizjes VV në Viti, jam në përkrahje të të gjithë atyre qytetarëve që pushteti komunal sikurse ai qendror i ka harruar duke i lënë në mungesë për gjerat më elementare për jetë të dinjitetshme ka thënë Salihu./rajonipress/