Salihu konfirmon për Daily Star: Januzaj nuk vjen

Është vetë sekretari i përgjithshëm i FFK-së, Eroll Salihu që më në fund e pranon lajmin e publikuar së pari ekskluzivisht në KTV kohë më parë: Adnan Januzaj nuk vjen dot në Kosovë për ndeshjen e 5 marsit. Zyrtari i lartë i Federatës ia ka konfirmuar lajmin tabloidit anglez, Daily Star.

“Jo, nuk kemi asnjë shpresë për këtë ndeshje”, ka thënë ai.

FFK-ja dështoi të takojë babanë e lojtarit, duke u kufizuar në thirrje publike që mesfushori i talentuar të bëjë paraqitje simbolike në ndeshjen me Haitin.

Por, si zakonisht familja e tij ka thënë që është herët për të zgjedhur cilëndo kombëtare dhe se fokusi do të mbetet tek skuadra e Manchester United.