Salihi shënon në ‘Champions’

Sulmuesi i Kombëtares shqiptare, Hamdi Salihi, ka shënuar gol në fitoren e skuadrës së tij, Jiangsu Sainty. Skuadra e sulmuesit shkodran arriti të shënojë fitore si mysafire e skuadrës japoneze Sendai me rezultat të ngushtë 2:1.

Sulmuesi nga Shkodra arriti të shënojë golin e rikthimit për skuadrën e tij në minutën e 62, pasi më pare ishin në disavantazh prej një goli.

Edhe pas kësaj fitore në udhëtim, Jiangsu nuk ka arritur që t’i kalojë grupet në Ligën e Kampionëve të Azisë, pasi ka përfunduar në pozitën e tretë me shtatë pikë të tubuara sa edhe vendi i dytë mirëpo me golëdallim më të dobët.