Salihi shënoi gol në Kupën kineze
RajoniPress
07:58, 8 Gusht, 2013
Sulmuesi shkodran shënoi golin e vetëm për ekipin e tij, Jiangsu Sainty në humbjen që pësoi në Kupën e Kinës nga Dalian Aerbin.
Hamdi Salihi ka gjetur rrugën e golit pas pesë ndeshjeve “agjërimi”, kur ka shënuar golin e vetëm për ekipin e tij, Jiangsu Sainty në sfidën e Kupës.
Jiangsu Sainty pësoi humbje në shtëpi në garën e Kupës së Federatës kineze nga Dalian Aerbin me rezultatin 1:2.
Salihi shënoi golin në minutën 66. Sulmuesi shkodran nuk kishte shënuar gol prej një muaji e gjysmë, në pesë ndeshjet e fundit të ekipit.
