Salihi: Na sulmuan me shqelma në Serbi

Hamdi Salihi lojtari i Shqipërisë është një sportist dhe njeri i mrekullueshëm, një nga ata që meriton gjithë titujt e gazetave dhe ndonjë dhuratë simbolike me postë. A nuk ishte ky shkodran që na lumturoi të gjithëve me golin e “Oslos” edicionin e shkuar! Shqipëria nuk do të ketë një skuadër që do japë më të mirën e saj me krenari dhe dinjitet nëse nuk do trajtojmë ata që kemi si “më të mirët!”.

Ka ardhur koha që kapiteni i përfaqësueses mos ta konsiderojë si fatkeqësi faktin që më të mirët nuk luajnë me ne, por të besojë që ata që ka përreth janë më të mirët. Në një intervistë të gjatë për gazetën “Haaretz, shkodrani ndër të tjera rrëfen dhunën në Serbi, në takimin Serbi – Shqipëri.

“Isha në pankinë dhe në një moment pashë shumë lojtarë që ishin tek flamuri. Më pas të gjithë tifozët nisën të zbrisnin në fushën e lojës dhe filluan të godisnin me shkelma e grushte dhe sende të forta pankinën, nga pas shpine. Hymë të gjithë në fushë dhe u munduam që të ruanim veten duke u përleshur me lojtarët serbë, por më së shumti me tifozët. Po sulmoheshim nga të gjithë krahët. Ishte një situatë shumë e vështirë”, tha Salihi, duke komentuar edhe hyrjen në tunel mes tifozëve. “Në tunel ishte më e keqja. Disa shqelma erdhën jo vetëm nga tifozëria që zbriti në fushë, por edhe nga njerëzit e sigurisë u goditëm. Aty ishte situata më e keqe”./Arena/